Que i èm ! Qu’an tornat hicar ua pèça a la maquina, e que s’i tornan !

Que voi parlar deus comentators qui cèrcan quin amagar la catastròfa qui ei a l’argüeit : l’arribada de l’extrèma dreta e deu nacionalisme extrème au poder. Que s’indignan pr’amor los Còrses vòlen l’autonomia e pr’amor los Alsacians vòlen ua region… e que los autes poderén demandar la medisha causa. Que’us hasèva hrèita un navèth combat, mei aisit, mai tradicionau entà essajar de’ns har desbrombar lo perilh vertadèr.

Que hè annadas qui hèn l’amalgama enter l’embarrament, lo replec identitari, la promocion de las lengas ditas regionaus, lo federalisme e l’independentisme.

Tot aquò qu’ac hican a la medisha sot. Tot aquò qu’ei mala semialha !

Enfin que pòden bohar ! Que s’an trobat un debat e arguments entà qu’espíim per estrem e que non pareishi pas lo fracàs qui ei lo d’un centralisme capborrut qui non pòt adméter que las ideas republicanas siin auta causa que lo lor parisianisme, lo lor mondòt.

Qui son los qui manipulan l’istòria e qui vòlen a tot hòrt que lo « roman nacionau » sii lo ciment qui’ns darà un sentiment d’apartenéncia ? Dab aquestes medishs arguments hòra mesura e destermenats, las idèas de Zemmour que hèn lo lor nid.

Òc, ua Republica que pòt estar federau ! Òc, qu’ei republicana la reconeishença de las diferéncias territoriaus, lingüisticas e culturaus. Òc, que i a coratge republican de díser a las ciutadanas e aus ciutadans que son dignes quan aparan los lors drets a cultivar ua auta lenga que lo francés, quan vòlen víver shens la bossòla parisenca, quan se reivindican d’ua istòria complèxa. Òc, que i a quauquarren de la Republica dens lo respècte deu dret a la diferéncia.

La Republica uniformizatora n’ei pas egalitària. Estossi atau que serem lo paradís de l’egalitat. E non n’èm pas !

Alavetz, vos qui segotitz los espaurugalhs deu separatisme, deu replec identitari, que haretz miélher de combàter los qui entèrran la vertat, los portaires de rasonaments simplistas, los qui vòlen har frontèras plan exagonaus e plan ermeticas, los ipernacionalistas.

Deishatz d’essajar de’ns har desbrombar que lo vòste sistèma centralizat que’ns poderé miar hòrt viste cap a ua situacion qui daré tots los poders a l’extrèma dreta. N’ei pas un sistèma protector contra aquerò. N’ei pas ua empara per la democracia.

L’annada 2025 qu’a hicat a la lutz lo hèit que la concentracion deu poder miava a la paralisia e que hasèva de l’extrèma dreta un arbitre.

Qu’èm federalistas. Qu’èm Occitans, Bretons, Bascos, Còrses, Alsacians…. Qu’èm democratas, convençuts que l’Euròpa ei un camin qui cau seguir e apregondir.

Qu’èm ciutadanas e ciutadans de la Republica dab tots los drets que nos balha aqueth títol e tanben lo dret de’vs díser qu’avem ua lenga, ua cultura pròpia e ua vision deu monde qui non parteish pas deu som de la Tour Eiffel.

Que portam arguments e ideas au debat democratic. Qu’èm dispausats a partatjar tot aquò dab los autes. Mes, se a cada còp qui disem « autonomia », « federalisme » e quitament « descentralizacion » que nse caricaturatz que creatz las condicions entà dar arguments aus qui n’an pas arren a har de la Republica — que pretendetz aparar— e qui trepejan, impacients qui son, pr’amor que’s creden a las pòrtas deu poder.

David Grosclaude

Une pièce de plus dans la machine ! Et c’est reparti !

Les centralistes veulent nous faire oublier les urgences. Ils préfèrent s’attaquer aux fédéralistes et aux autonomistes plutôt que de combattre l’extrême droite

Ça y est ! Ils ont remis une pièce dans la machine et ils sont repartis pour un tour !

Je veux parler des commentateurs qui, ne sachant plus comment cacher la catastrophe qui nous guette— l’arrivée de l’extrême droite et de l’extrême nationalisme au pouvoir— s’indignent parce que les Corses veulent l’autonomie, les Alsaciens une région et que les autres pourraient aussi demander la même chose. Il leur fallait un nouveau combat, plus facile, plus traditionnel, pour tenter de faire oublier le vrai danger.

Cela fait des années qu’ils font l’amalgame entre l’enfermement, le repli identitaire, la promotion des langues dites régionales, le fédéralisme et l’indépendantisme. Tout dans le même sac ! Tout ça c’est de la mauvaise graine !

Ouf, ils respirent ! Ils ont enfin trouvé un débat et des arguments pour que l’on détourne le regard, pour que l’on ne voie pas l’échec qui est celui d’un centralisme têtu qui n’admet pas que les idées républicaines soient autre chose que leur parisianisme, leur entre-soi.

Qui manipule l’histoire et veut à tout prix que le « roman national » soit le ciment qui nous donnera un sentiment d’appartenance ? Avec ces mêmes arguments, mais en plus outranciers, les idées de Zemmour et autres ont fait leur nid.

Oui, une république peut être fédérale ! Oui il y a de la République dans la reconnaissance des différences, territoriales, linguistiques et culturelles. Oui, il y a du courage républicain à dire aux citoyens qu’ils sont dignes lorsqu’ils défendent leur droit à parler, à cultiver une autre langue que le français, lorsqu’ils décident de vivre sans la boussole parisienne, lorsqu’ils se disent héritiers d’une histoire complexe. Oui, Il y a de la République dans le respect du droit à la différence !

La République uniformisatrice n’est pas égalitaire, sinon nous serions le paradis de l’égalité. Nous ne le sommes pas.

Alors, vous qui agitez les épouvantails du séparatisme, du repli identitaire, combattez plutôt les fossoyeurs de vérité, les porteurs de raisonnements simplistes, ceux qui veulent construire des frontières bien hexagonales, bien hermétiques, les hyper nationalistes ! N’essayez pas de faire oublier que votre système centralisé pourrait nous mener tout droit vers une situation qui donnerait tous les pouvoirs à l’extrême droite. Il ne nous protège pas de ça ! Il n’est pas un rempart pour la démocratie.

L’année 2025 nous a montré que la concentration du pouvoir était paralysante et faisait de l’extrême droite un arbitre.

Nous sommes des fédéralistes, nous sommes Occitans, Basques, Bretons, Corses, Alsaciens… Nous sommes des démocrates, convaincus que l’Europe est un chemin qu’il faut continuer à suivre, à consolider. Nous sommes des citoyennes et des citoyens de la République, avec tous les droits que cela donne, y compris celui de vous dire que nous avons une langue, une culture propre, une vision du monde qui ne part pas du haut de la Tour Eiffel. Nous apportons des arguments et des idées au débat démocratique. Nous sommes prêts à partager tout cela avec tous les autres. Mais si à chaque fois que nous disons « autonomie », « fédéralisme », ou même « décentralisation » vous nous caricaturez, vous créez des situations qui donnent des argument à ceux qui n’ont que faire de la République —que vous prétendez défendre— et qui piaffent d’impatience, se sentant aux portes du pouvoir.