Mois: octobre 2017

David Grosclaude que publica :« Los mots e lo baston »/ « Les mots et le bâton »

Publié le

un clic ací baish tau bon de comanda

Cliquez ci-dessous pour le bon de commande

 BON DE COMANDA/BON DE COMMANDE

Sortie le 30 octobre / Que pareish lo 30 d’octobre 

DISPONIBLE EN VERSION OCCITANE originale ou en VERSION FRANÇAISE .

DGRO-coberta-oc-bastonPréface de MAX SIMEONI / Prefaci de MAX SIMEONI

edicions de l’ADEO          Colleccion l’enquestaire

 Prix /Prètz : 12 €  (Franc de pòrt)

182 p ; format 110 X 180                     

Ua lenga qu’ei un objècte politic

Per aquesta rason, que cau ua politica lingüistica publica tà l’occitan entà completar e ajudar lo tribalh deu monde associatiu. David Grosclaude que conta quin estó lèu convençut que lo combat en favor de la diversitat lingüistica ei ligat a la defensa de la diversitat biologica. « Que cau lutar contra l’escaloriment deu climat e contra l’en·hrediment culturau », çò ditz. Qu’ei ua question democratica màger.

En aqueste libe David Grosclaude que conta tanben la soa experiéncia d’elegit regionau encargat de la lenga occitana. Qu’explica tanben quin decidí de har ua grèva de la hami en 2015. En lançar : « Que n’i a pro d’estar mespresats ! » que demandava l’Estat respectèsse los sons engatjaments pertocant la creacion d’un Ofici Public de la Lenga Occitana.

DGRO-coberta-fr-baton

« Les mots et le bâton »

Sortie le 30 octobre / Que pareish lo 30 d’octobre

edicions de l’ADEO Colleccion l’enquestaire

 Prix /Prètz : 12 € (Franco de port)

182 p ; format 110 X 180

Prefaci de Max Simeoni

 

« Les mots et le bâton »

Une langue est un objet politique.

Pour cette raison, il faut une politique linguistique publique pour l’occitan afin de compléter et de soutenir le travail des associations. David Grosclaude raconte comment il a acquis la conviction que le combat en faveur de la diversité linguistique est très étroitement lié à la défense de la diversité biologique. « Il faut lutter contre le réchauffement climatique et contre le refroidissement culturel », dit-il. C’est une question démocratique majeure.

Dans ce livre David Grosclaude relate aussi son expérience d’élu régional chargé de la langue occitane. Il explique comment il décida de mener une grève de la faim en 2015. En lançant : « Que n’i a pro d’estar mespresats ! » (Il y en a assez du mépris) il demandait que l’État respecte ses engagements concernant la création d’un Office Public de la Langue Occitane.

BON DE COMMANDE / BON DE COMANDA

Bon de comanda

Prix/Prètz 12€ (franco de pòrt) Nom…………………………………………………Prenom…………………..

Adreça………………………………………………………………………………

…………………………………………………………………………………………

Que desiri recéber l’obratge : « los mots e lo baston » (version occitana)

Nombre d’exemplars ………

Je désire recevoir l’ouvrage : « les mots et le bâton »   (version française)

Nombre d’exemplaires ……….

Je joins un chèque de /mandi un chèc de……………….€

A l’ordi de/à l’ordre de : VISTEDIT

Enviar a / envoyer à :

VISTEDIT/ LA SETMANA B.P 50486

64238 LESCAR Cedex

 

 

 

Publicités

E l’Euròpa que ditz ? Que deu parlar !

Publié le

Jordi Sànchez e Jordi Cuixart que son en preson desempuish ger
_llibertat_6c9f3452

Quau que sia la nosta opinion sus la question de l’independéncia non podem pas deishar shens reaccion un govèrn d’Euròpa méter en preson personas per un delicte qui ei prumèr un delicte d’opinion. De tota faiçon l’empresonament d’aqueras duas personas no’s pòt pas justificar. Lo perilh qui representarén los dus presidents n’existeish pas, o alavetz sonque deu punt de vista d’aqueths qui vòlen empachar la difusion d’un messatge qui, solide, non correspon pas a la letra de la constitucion espanhòla, mes qui n’ei pas un messatge qui crida a la violéncia.

Jordi Sànchez e Jordi Cuixart que son los presidents de l’Omnium Cultural e de l’Assemblea Nacional Catalana. Que son duas organizacions ciutadanas hòrt importantas. Que son acusats de « sedicion » entà aver organizat manifestacions autanlèu lo 21 de seteme mentre que la polícia arrestava responsables catalans entà essajar d’empachar lo referèndum deu 1èr d’octobre.

Los dus presidents non son pas poduts sortir libres aqueste diluns de l’Audiéncia Nacional e son estats enviats dirèctament en preson. La « sedicion » de qui son acusats que sembla sustot un pretèxte entà méter hòra-jòc duas personalitats qui son estadas en capacitat de mobilizar centenats de milierats de personas en mantuas manifestacions. Que sembla tanben un pretèxte entà méter hòra-jòc duas personas qui an pres posicions clarament independentistas. Que prengón la paraula lo ser deu referèndum sus la plaça de Catalonha entà díser que volèvan la Republica catalana. Que i estón aplaudits per milierats de personas. N’èi pas entenut ua sola paraula qui aperava a la revòlta o a quauque susmauta violenta.

Vertat ei qu’an evocat la creacion de la Republica catalana e qu’an confirmat atau la lors posicions independentistas. E alavetz ? Ei aquò ua rason entà’us enviar en preson ? Non, que s’ageish d’ua opinion.

Aquera decision de la justícia espanhòla qu’ei un messatge hòrt inquitetant per las libertats en Euròpa. Non i avó pas nada violéncia en las manifestacions organizadas per aqueras duas entitats qui representan los dus òmis. Los centenats de milierats de catalans qui son devarats per carrèras au moment quan l’ANC e Omnium Cultural aperavan a manifestar que i son anadas librament, shens que i estossen obligadas o constrenhtas. Que son donc centenats de milierats de sediciós qui cau jutjar e méter en preson.

L’Union europèa que deu reagir.

Se l’UE non hè pas arren centenats de milierats de catalans que perderàn tota fe en aquera Euròpa qui s’ei bastida sus granas esparanças e suus grans principis qui son los de l’unitat dens la diversitat, de la libertat de pensar e de parlar. Se l’UE non ditz pas arren que son centenats de ciutadans de Catalonha e d’endacòm mei qui consideraràn que los grans principis aficats per l’Euròpa non son pas arren mei que « papèr molhat ».

L’ Espanha « canta catalan »/L’Espagne « chante catalan »

Publié le

L’Espagne « chante catalan »

L’ Espanha « canta catalan »

J’expliquerai un peu plus loin ce titre qui peut paraître énigmatique

Il est évident que la déclaration devant le parlement de Catalogne vient contrarier quelque peu l’idée que l’histoire s’écrit avec de grands matins et de grands soirs.

Qu’explicarèi un pauc mei luenh aqueh títol qui pòt semblar enigmatic

Segur, la declaracion devant lo Parlament de Catalonha que vien contrariar quauque drin l’idea que l’istòria s’escriu dab de grans matins e de grans sers.

El president anuncia que el referèndum es farà l'1 d'octubre (09/06/2017)
Lo dia de l’anóncia deu referèndum (Fòto Generalitat de Catalonha, Ruben Moreno Garcia)

  Article bilingüe/ article bilingue

J’expliquerai un peu plus loin ce titre qui peut paraître énigmatique ; mais d’abord je veux saluer l’événement qui s’est déroulé ce mardi 9 octobre au parlement de Catalogne.

C’est évident que certains sont déçus par la décision de suspendre la déclaration d’indépendance de la Catalogne, une minute après l’annonce de la création de la République, pour laisser la porte ouverte au dialogue et surtout afin de faire baisser la tension.

Je salue la décision du gouvernement de Catalogne et de son président. C’était la seule possible dans la situation créée et voulue par le gouvernement de Madrid. Le 10 octobre restera sans aucun doute une date dans l’histoire. Elle sera étudiée par les historiens comme un événement qui aura secoué l’Europe. L’histoire s’écrit parfois avec tranquillité tout en prenant en compte l’inintelligence de l’adversaire surtout quand celle-ci peut se transformer en réaction violente.

Je ne ferai pas de culte de la personnalité en saluant l’action de Carles Puigdemont, parce que je suis convaincu que ses décisions sont le produit d’une réflexion collective et que chaque mot qu’il a prononcé depuis le référendum a été pesé par une équipe gouvernementale aidée par un certain nombre de conseillers. Puigdemont a eu le courage d’être la voix qui portait le message.

Depuis la décision annoncée d’organiser le référendum jusqu’à la déclaration de mardi au parlement de Catalogne en passant par le « Aixi no Majestat ! » ( pas comme cela , Majesté), les autorités catalanes ont fait preuve d’un sens politique qu’il faut saluer. Je ne suis pas sûr que, en d’autres temps et sous d’autres cieux, la volonté d’éviter la violence aurait été aussi grande. Il est vrai que cela a été possible grâce à la patience, la sérénité et la détermination des citoyens catalans, que j’ai pu constater sur place lors du vote du 1er d’octobre.

Il est évident que la déclaration devant le parlement de Catalogne vient contrarier quelque peu l’idée que l’histoire s’écrit avec de grands matins et de grands soirs. J’ai vu passer un message d’une militante qui n’avait pas ouvert sa bouteille de Cava pour fêter l’événement ; elle demandait combien de temps il se conserverait au réfrigérateur. Sans doute bien plus que le temps qu’il faudra pour dénouer la question catalane. Quant aux grands matins ou aux grands soirs ce sont des légendes qui remplissent les livres d’histoire. L’histoire s’écrit parfois tranquillement et c’est seulement en se retournant, une fois les choses accomplies, que l’on peut évaluer le chemin parcouru. Le temps pour cela viendra.

En attendant, mardi la Catalogne était au centre des préoccupations médiatiques du monde entier. Un millier de journalistes venus de partout assistait à une séance plénière du parlement de Catalogne. C’est une victoire immense des catalans.

Mais une victoire se bâtit aussi avec les erreurs de l’adversaire et celui-ci en a fait plus d’une. D’abord il s’entête depuis des années à nier le droit des catalans à faire évoluer leur statut d’autonomie. Puis il y a le président du gouvernement espagnol et ses ministres qui n’ont cessé de dire que le référendum ne pourrait pas avoir lieu. Puis il y a les actions menées contre les responsables de la Generalitat, quelques jours avant le vote ; puis il y a les images du 1er octobre où les matraques répondaient aux bulletins de vote.

Il y a eu aussi l’instrumentalisation de la couronne avec la prise de parole catastrophique du roi. Enfin, il y a eu, et il y a encore, ces déclarations ou plutôt ces incantations de responsables du gouvernement espagnol qui affirment que la loi de transition votée par les catalans ainsi que le référendum « n’ont jamais existé ». Soraya Saenz de Santamaría, vice-présidente du gouvernement de Rajoy, a oublié qu’il ne s’agit pas de pratiquer un exorcisme mais d’une réalité politique qui demande une posture autre que l’incantation.

Je ne sais pas ce qui sortira de cette situation.

Mais quoi qu’il arrive je veux garder en tête les paroles d’un député du parlement de Catalogne, mille fois reprises quand il était chanteur et qui disent : « si la lluita és sagnant serà amb vergonya de la sang »(si la lutte se fait dans le sang ce sera avec la honte du sang). Ce sont des paroles de la chanson de Lluís Llach. Hier il a fait partie des députés qui ont signé la déclaration d’indépendance. Et c’est de la honte dont il parle qu’il faut se protéger. Il n’y a rien de glorieux à tremper les drapeaux dans le sang, que ce soit le sang de son propre peuple ou dans le sang de son adversaire…Cela n’est bon que pour quelques livres d’histoire écrits par ceux qui se pensent victorieux pour l’éternité ou pour quelques hymnes écrits en des temps révolus.

Il n’est pas certain que le gouvernement espagnol veuille discuter, c’est même improbable, plus qu’improbable. Les propos tenus ce jour devant le Congrès des députés à Madrid montrent que le gouvernement de Madrid veut bien dialoguer mais il ne le fera qu’à la condition qu’on ne touche pas à la constitution de 1978. Donc il ne veut pas dialoguer.

Mais s’il y a une occasion de donner la possibilité à quelques intelligences de se faire entendre parmi les déclarations espagnolistes de ces jours derniers, cette occasion il ne faut pas la rater.

Je ne suis pas un fétichiste de l’indépendance. Je n’ai aucune leçon à donner aux catalans. Ce sont leurs affaires. S’ils veulent l’indépendance je ne vois pas au nom de quoi je pourrais leur dire qu’ils ont tort ou raison. À eux de décider. Mais avec la voie d’apaisement que semble vouloir suivre le gouvernement catalan, il apparaît que cela permet de préserver des choses qui nous concernent, nous qui vivons en dehors de la Catalogne mais dans la même Europe. Justement il faut préserver l’idée européenne, ainsi que la paix. Si je ne suis pas un fétichiste de l’indépendance je ne le suis pas non plus pour ce qui est de l’État-nation. Nous avons à inventer autre chose, quelque chose de neuf. Face aux défis auxquels doit de confronter l’humanité dans les années qui viennent c’est nécessaire. Tout cela donne certes le vertige aux dirigeants des états-nations incapables de penser un autre monde. Cela explique leur fébrilité.

 

J’avais promis d’expliquer le titre de cet article. En feuilletant un dictionnaire occitan j’ai trouvé tout à fait par hasard, une expression qui dit « cantar catalan » (chanter catalan). C’est, selon ce dictionnaire une expression utilisée en Provence pour désigner le son que fait un objet fêlé, fendillée. Alors oui l’Espagne « canta catalan », elle «chante catalan ». Cette expression, qui sans doute était moqueuse, prend aujourd’hui un sens politique inattendu. Les accusations d’avoir créé « la fractura » en Catalogne se retournent maintenant vers le gouvernement de Madrid. Je ne vois pas comment le problème pourrait se régler autrement que par un divorce par consentement mutuel. Ou alors ce serait par « la vergonya de la sang », ce que personne ne peut souhaiter.

L’Espagne d’aujourd’hui « canta catalan ». Cela ne fait aucun doute.

 

 

 

Espanha « canta catalan »

 

Qu’explicarèi un pauc mei luenh aqueh títol qui pòt semblar enigmatic ; mes prumèr que voi saludar l’eveniment qui s’ei debanat aqueste dimars au Parlament de Catalonha. Segur, daubuns que seràn lhèu decebuts per la decision de suspéner la declaracion d’independéncia de Catalonha, sonque ua minuta après la declaracion de la creacion de la Republica, e aquò entà deishar la pòrta ubèrta au dialògue e sustot tà har baishar la tension.

Que saludi la decision deu govèrn de Catalonha e deu son president. Qu’èra la sola possibla en la situacion creada e voluda peu govèrn de Madrid. Lo 10 d’octobre que demorarà segur ua data en l’istòria qui serà estudiada peus istorians com un eveniment qui aurà segotit l’Euròpa. L’istòria que s’escriu còps que i a dab tranquillitat. Que cautà aquò préner tanben en compte l’inintelligéncia deus adversaris sustot quan aquesta e’s pòt cambiar en reaccion violenta.

Non harèi pas de culte de la personalitat en saludar l’accion de Carles Puigdemont pr’amor que soi segur que las soas decisions son lo produit d’ua reflexion collectiva e que cada mot qui prononciè desempuish lo referèndum qu’estó pesat per ua equipa governamentau e un cèrt nombre de conselhèrs. Puigdemont qu’a avut lo coratge d’estar la votz qui portava lo messatge.

Desempuish la decision anonciada d’organizar lo referèndum dinc a la declaracion de dimars au Parlament de Catalonha, en passar peu « Aixi no Majestat ! » las autoritats catalanas qu’an hèit pròva d’un sens politic qui cau saludar. Non soi pas segur que, per d’autas tempsadas e devath d’autes cèus, la volontat d’evitar la violéncia seré estada autan grana. Vertat ei, tot aquò estó possible gràcias a la paciéncia, la serenitat e la determinacion deus ciutadans catalans qui podoi constatar sus plaça lo dia deu vòte, lo 1èr d’octobre.

Segur, la declaracion devant lo Parlament de Catalonha que vien contrariar quauque drin l’idea que l’istòria s’escriu dab de grans matins e de grans sers. Que vedoi a passar un messatge d’ua militanta drin decebuda qui disèva que n’avèva pas obèrt la soa botelha de Cava entà hestejar l’eveniment. Que demandava dab umor quant de temps e’s podèva guardar au refrigerator. Segurament que’s pòt conservar plan mei longtemps que çò qui calerà entà que’s desvire la question catalana.

Per çò qu’ei deus grans sers e deus grans matins que son legendas qui emplenan los libes d’istòria. Còps que i a l’istòria s’escriu tranquillament e qu’ei sonque en s’arrevirar, un còp las causas complidas que’s pòt evaluar lo camin hèit. Lo temps per aquò vienerà.

En aténder, dimars, la Catalonha qu’èra au centre de las preocupacions mediaticas deu monde sancèr. Un milierat de jornalistas vienguts de pertot capvath lo monde assistivan a un plen deu parlament catalan. Qu’ei ua victòria immensa deus catalans.

Mes ua victòria que’s basteish tanben dab las errors de l’adversari e aqueste que n’a hèit mei d’ua. Prumèr que s’encapborreish desempuish annadas a denegar lo dret deus catalans a har evolucionar lo lor estatut d’autonomia. Puish que i a lo president deu govèrn espanhòu e los sons ministres qui non deishèn pas de díser que lo referèndum no’s podore organizar. Puish que i a las accions aviadas contra los responsables de la Generalitat quauques dias abans lo vòte, puish que i a los imatges deu 1èr d’octobre quan las malhucas s’opausavan a bulletins de vòte. Que i avó tanben l’instrumentalizacion de la corona dab la presa de paraula catastrofica deu rei. Enfin que i avut — e que i a enqüèra—aqueras declaracions, o meilèu incantacions, de responsables deu govèrn espanhòu qui afirmavan que la lei de transicion adoptada peu Parlament de Catalonha, que lo referèndum « n’an pas jamei existit». Soraya Saenz de Santamaría, la vice-presidenta deu govèrn espanhòu que s’a desbrombat que non s’ageish pas ací de har exorcisme, mes d’ua realitat politica qui demanda ua postura auta que l’incantacion.

Non sabi pas çò qui sortirà d’aquera situacion. Quau que sia la seguida, que guardi en cap las paraulas d’un deputat deu parlament de Catalonha, mila còps represas e qui disen : « si la lluita és sagnant serà amb vergonya de la sang ». Que son las paraulas d’ua cançon de Lluís Llach. Aqueste que signè la declaracion d’independéncia en tant que deputat catalan. E qu’ei d’aquera vergonha qui’s cau protegir. Non i a pas arren de gloriós a trempar las bandèras en la sang, que sia la deu son pròpi pòble o lo deus sons adversaris… Aquerò que vau sonque en quauques libes d’istòria escriuts peus qui’s pensan vencedors per l’eternitat o per quauques imnes escriuts aus temps d’un còp èra.

N’ei pas briga segur que lo govèrn espanhòu acceptarà de discutir, qu’ei quitament improbable, mei qu’improbable. Las causas ditas uei devant lo Congrès deus deputats a Madrid amuishan clarament que lo govèrn vòu plan dialogar mes a la condicion que non tòquen pas a la constitucion de 1978. Donc non vòu pas dialogar.

Mes se i a un parat que quauques intelligéncias se poscan har enténer au demiei de las declaracions espanholistas d’aqueths dias, que’u cau gahar.

Non soi pas un fetichista de l’independéncia. Tanpauc n’èi pas nada leçon a dar aus catalans. Que son los lors ahars. Se vòlen l’independéncia non vedi pas au nom de qué e poderí díser qu’an tòrt o rason. A eths de decidir. Mes dab lo camin d’apatzament qui sembla de voler seguir lo govèrn catalan, que’m sembla que permet de preservar causas qui’ns pertòcan a nosautes qui vivem hòra de Catalonha, mes en la medisha Euròpa. Justament que cau preservar l’idea europea, e puish tanben la patz. Se non soi pas fetichista de l’independéncia no’n soi pas tanpauc de l’Estat-nacion. Qu’avem a inventar quauquarren mei, quauquarren de nau. Fàcia aus desfís a’us quaus e’s deu acarar l’umanitat per las annadas qui vienen, qu’ei necessari. Tot aquò da lo verdigòu aus dirigents deus Estats-nacions incapables de pensar un aute monde. Qu’ei l’encausa de la lor febrilitat.

Qu’avèvi prometut d’explicar lo títol d’aqueth article. En espiar un diccionari occitan que trobèi, shens d’ac cercar, ua expression qui ei « cantar catalan ». En Provença que sembla l’expression que designa lo son qui hè ua causa qui ei asclada, crascada, halhassada o henalhada. Alavetz òc ! Espanha que « canta catalan ». Aquesta expression, qui èra segur trufandèca, que pren uei un sens politic inatendut. Las acusacions contra los independentistas d’aver creat « la fractura » en Catalonha, que s’arreviran adara contra lo govèrn de Madrid.

Non vedi pas quin lo problèma e’s poderé reglar en dehòra d’un divòrci per consentament mutuau. L’Espanha uei que « canta catalan ». Non i a pas nat dobte.

Catalonha 1 d’octobre de 2017

Publié le

20171001_213047
Dimenge ser sus la plaça de Catalonha a espiar los resultats dats per TV3

Rendut-compte de dus dias a Barcelona, lo 30 de seteme e lo 1 d’octobre

 

Dens l’encastre deu referèndum deu prumèr d’octobre qu’èran estats convidats dus grops de personas entà seguir las operacions de vòte. Prumèr un grop de parlamentaris, ancians ministres, eurodeputats de mantuns Estats. Un grop d’un trentenat de personas. Qu’avèva lo títol de « observators internacionaus » e qu’avèvan la carga de redigir un rapòrt a la fin de las operacions de vòte. Puish un centenat de personas mei, veingudas de diferents Estats d’Euròpa, qu’èran qualificats de « visitors internacionaus ». Lo ròtle qu’èra de testimoniar e sustot de perméter de cobrir lo mei gran nombre possible de burèus de vòte. Qu’ei en aqueth encastre qui’m trobèi dab bretons, còrses, quebequés, escocés…La condicion entà estar observator o visitor èra de s’engatjar a respectar la neutralitat en signar los engatjaments qui son establits au nivèu internacionau per aqueras missions.

Ni los observators, ni los vistors non podèvan estar ciutadans de l’Estat espanhòu. Precisem tanben que los qui m’an acompanhat, com jo, n’avem pas recebut nada ajuda, remuneracion o quauqua fòrma de pagament de còstas de las parts deu Govèrn de Catalonha o d’ua institucion ligada a l’organizacion deu referèndum.

20171001_090258

Finalament las causas que començan a partir del referèndum. Çò mei complicat que demora de har. Solide lo president de la Generalitat, Carles Puigdemont, anonciava autanlèu lo ser deu vòte, que Catalonha avèva ganhat lo dret de’s cambiar en un Estat independent devath la fòrma d’ua Republica. Que digó tanben qu’anava transméter autanlèu l’endoman los resultats deu referèndum au Parlament de Catalonha. E qu’ei a partir d’aqueth moment que podem imaginar ua declaracion d’independéncia o lo començar d’un procèssus de negociacion dab Madrid.

Totun qu’a decidit de temporizar en aperar peu moment a ua mediacion internacionau. Qu’ei ua proposicion qui’u permet de’s plaçar de faiçon simbolica com lo president d’un Estat independent. Que vedem mau quin lo president du govèrn espanhòu e poderé acceptar aquera demanda pr’amor que seré reconéisher Puigdemont com un interlocutor valedèr e de medisha pagèra.20171001_110350

Lo poder centrau eth que s’encapboreish a denegar la validitat de la consultacion. Que parla de las irregularitats deu vòte e tanben de la soa illegalitat.

Per çò qu’ei de las condicions deu vòte que’ns trobam devant l’incendiari qui sembla arregretar los domaus deu huec. Non i avosse pas avut las intervencions violentas de la polícia lo 1er d’octobre ni las intervencions contra los organizators deu vòte pendent un mes, las causas que’s serén podudas debanar normalament a cent per cent. Aquerò qu’ac avem podut constatar tota lo long de la jornada deu vòte.

20171001_094301
La polícia qu’ei anonciada, lèu que’s cau organizar entà blocar las entradas

Crear un ambient d’incertitud

 En permanéncia los organizators qu’èran miaçats de véder a arribar la polícia entà sasir lo materiau e donc que tirava a aqueth dia tota posssibilitat de serenitat. Que cau mentàver que dens cada burèu de vòte qu’avem sentit aquera tension mes tanben ua volontat de crear de la part deus responsables, totas las condicions de la normalitat. De mei la tecnica, causida per las autoritats espanhòus, qui consistè a sasir la màger part de las aplicacions de recensament deus vòtes per internet la velha e a ralentir las qui èran estadas metudas en plaça en urgéncia, que son dignas de país qui non supòrtan pas la libertat d’expression. Que l’Estat espanhòu agi causit metòdes d’Estats qui suu planeta e son considerats com totalitaris qu’a pres lo risc de plapar per longtemps lo son imatge.

Lo constat qu’èra simple en los burèus de vòte qui podom visitar. Prumèr, los qui organizavan la consultacion suu terrenh qu’èran sovent monde qui desempuish dus dias e duas nueits aucupavan los bastiments entà empachar la Guardia Civil o la Polícia de’us viéner sagerar.

Mobilizacion e organizacion ciutadanas

L’angoish permanent de l’arribada de las fòrças de l’ordi qu’obligava los ciutadans a viéner per centenas devant los burèus de vòte entà blocar las entradas. Ua òra abans lo començament de las operacions de vòte, que podom constatar que devant mantuns burèus qu’èran dejà amassats centenats de ciutadans, vienguts en proteccion e vienguts entà securizar l’arribada de las urnas e deus bulletins. Non son pas las condicions mei bonas entà tribalhar en tota serenitat. A maugrat tot aquò qu’avem trobat monde determinats e coratjós. Que dispausavan de la lista deus electors e qu’averén devut poder dispausar d’ua coneccion internet de qualitat entà har votar lo monde rapidament. En l’abséncia d’aquò lo vòte que tardè a començar en mantuns burèus. En d’autes, atacats abans l’òra de l’obèrtura, lo vòte qu’estó impossible.

Qu’èm estats testimònis de l’impossibilitat de votar en un burèu de vòte pendent duas òras, mentre que los electors e formavan ua coda de 150 a 200 mètres devant la pòrta. En aqueth cas la prumèra de las armas democraticas èra la paciéncia dab segur ua grana determinacion. Qu’ei lo messatge qui ns’estó formulat per nombrós electors. « Volem votar ! arren de mei » çò disèvan.

Lo prumèr burèu en loquau e podom entrar qu’estó l’objècte d’ua alèrta. La polícia que viengó temptar d’entrar mes que renoncièn quan vedón la hora devant la pòrta. Que podom véder 20171001_190501quin los electors presents organizavan la defensa, en s’amassar de tira devant totas las entradas possiblas o en las tapar dab objèctes qui podèvan ralentir la progression de las fòrças de l’ordi. E que i avèva monde de tot escantilh : joens, mensh joens, hemnas e òmis, mentre que los ainats èran installats en un endret mei protegit.

Lo grop de personas invitadas a seguir lo vòte n’estó pas dirèctament pertocat per la violéncia. Que passèm totun per un burèu deu centre de Barcelona qui èra estat vueitat dab ua violéncia qui èra de non pas créder, autanlèu 8 h deu matin. Quan arribèm lo monde qu’èran enqüèra espaurugats e tumats per çò qui avèvan viscut. Los imatges qui ns’amuishèn non deishavan pas nat dobte sus la determinacion deus policièrs a emplegar tots los mejans possibles tà préner las urnas e los bulletins. Aqueth episòdi filmat qu’a dat lo torn deus hialats sociaus e de las televisions.

Hòrt lèu dens la jornada que comencèn de ns’arribar los testimoniatges, en imatges, de las violéncias en tau o tau localitat. La preséncia policièra qu’èra segur de bon constatar a Barcelona tanben dab detzenats de veïcules qui n’anavan per las aviengudas.

Estrambòrd e paciéncia

L’arcuelh hèit aus observators exteriors qui èram qu’èra esmavent. Lo monde que’ns demandavan de on vienèvam, que ns’arremerciavan, que picavan de las mans quan entravan en los burèus de vòte. Qu’èram libres d’entrar, de pausar questions, de fotografiar e de visitar. Mei d’un còp qu’entenoi a díser qu’èran contents de véder que, enfin, monde deu dehòra arribavan entà constatar l’actitud de l’Estat espanhòu. Que devi ajustar que lo hèit d’estar occitan e de poder comunicar en lenga nosta, en catalan o en castelhan, permetèva d’anar enqüèra mei viste en la presa de contacte. Occitan, la màger part deu monde que saben çò qu’ei e çò que representa.

Que constatèm lèu que lo mau foncionar d’internet, la reduccion deu debit, obligava los organizators de las taulas de vòte a tribalhar dab metòdes classics : dab papèr.

L’ambient deus burèus de vòte èra tanben l’estrambòrd. Quitament se calèva esperar duas òras entà votar, la determinacion èra de poder votar. Cada sortida de personas vielhas qu’èra per exemple saludada per lo monde amassats qui picavan de mans.

Solide tot aquò, l’accion de la polícia, l’obligacion de protegir las urnas, l’abséncia de las condicions tecnicas previstas, que pòt aver creat en quauques burèus uas irregularitats. Qu’ei ua evidéncia. Mes e devem har portar la fauta aus organizators se tot no’s podó pas passar en las règlas ? Qu’èra pro estranh de sentir aqueth ambient d’angoish, d’inquietud en un país democratic quan, en moment com aqueste las causas deverén anar de lis. Lo vòte que seré podut estar hòrt mei simple i avosse avut un sostien, o au mensh ua cèrta neutralitat de las parts deu govèrn de Madrid. Mes, e aquò tanben qu’ac avem constatat, las mesuras presas per las autoritats espanhòus, mei las declaracions deus opausants, qu’an avut per consequéncia de har créisher la conviccion au demiei deus ciutadans, que l’independéncia èra adara la via necessària. Mei d’un nos ac digó atau. E per çò qu’ei de la diversitat de las personas qui votavan que podom constatar tanben que, quau qui estosse lo mitan sociau e l’origina, l’independentisme qu’ei l’ahar de tots. Un exemple, dilhèu anecdotic, mes a la pòrta d’un burèu la persona qui organizava la coda que’m demandè d’on vienèvi. Que’u responoi en li har la medisha question. Qu’èra deu Benin e que m’expliquè que’s trobava plan en Catalonha, que’n presava la cultura e que’s sentiva respectat ; donc ua Catalonha independanta que l’agradava.

Protegir las urnas

 Que senhali entà estar precís que la nosta vienguda n’èra pas anonciada. Que disi tanben que la vision qui dau d’aqueth dia de referèndum qu’ei barcelonina. Lo noste grop qu’èra estat designat entà demorar dens l’aglomeracion. L’ambient que semblava diferent en dehòra e segón los testimoniatges qui recuelhom, qu’èra ua determinacion enqüèra mei hòrta.

Pertocant la question de las polícias ( que cau parlar au plurau) vertat ei que Els Mossos ( la polícia catalana) non semblavan pas implicats vertadèrament. Digam qu’èran en servici minimum. Dejà qu’èra sensible la velha quan, la nueit abans lo vòte, anèi visitar escòlas on dromivan monde entà preservar lo lor burèu de votar. Los men interlocutors que’m digón que la polícia catalana indicava a las personas las disposicions oficiaus e explicava que çò que hasèvan èra illegau. Mes las causas n’anavan pas mei luenh. De tota faiçon qu’averén podut har equipas de dus policièrs entà convéncer cent o dus cents personas de sortir d’un bastiment ?

La

20171001_184149-1
La paciéncia : pertot que calèva aténer entà poder votar

La difusion deus imatges de violéncias qu’a creat reaccions qui, çò sembla, an hèit préner consciéncia aus responsables deu govèrn espanhòu que las operacions se devèvan arrestar abans la fin deu vòte. Totun, los ciutadans mobilizats qu’èran prudents e la rumor corrèva que las operacions d’intervencion s’anavan multiplicar de cap a 20h entà sasir las urnas emplenadas per ua jornada de vòte. Atau, a l’Escòla del Treball on èran installadas un quinzenat de taulas de vòte, que s’amassèn centenats e puish milierats de personas entà protegir lo bastiment. Ua intervencion de la polícia que seré donc estada catastrofica en aqueras condicions e de tota faiçon impossibla shens mantuns centenats de policièrs.

Se n’èi pas podut constatar personaument la mobilizacion deus agricultors dab los tractors en mantuas comunas, que se n’i parlava. Qu’entenom evocat tau o tau vilatge protegit per tractors de l’arribada de la Guardia Civil.

Tanben, l’intervencion deus pompièrs (equipats com per ua intervencion), qui en quauques burèus s’interpausèn entà empachar ua carga de las fòrça de l’ordi, qu’estó presada peu monde. E quan viengón votar a l’Escola del Treball qu’estón saludats peus centenats de personas presentas : eslogans e aplaudiments.

Que i averé d’autes elements e eveniments mensh importants a mentàver e qui an permetut d’alimentar la nosta informacion sus la situacion. Barcelona non semblava pas en estat de sièti e los toristas caminavan per las arruas com un dimenge classic.

Senhalem ua manifestacion deus opausants au referèndum au pè deu monument a Cristòfol Colom ; mei o mensh duas cents personas dab bandèras espanhòlas qui cridavan « Espanha unida » o « Qu’èm orgulhós d’estar espanhòus » o enfin « Puigdemont en preson ! ».

Acabem dab la fin de la jornada sus la plaça de Catalonha on milierats de personas esperavan lo resultat deu vòte en espiar ua tela giganta on podèvan seguir lo programa de TV3, la television catalana. Los joens i èran hòrt majoritaris e los eslogans en favor de l’indpendéncia que ritmèn la serada.Cat 12