Voici le communiqué que j’ai envoyé à la presse du Béarn

Reprenez ce communiqué de presse si vous le souhaitez , modifiez le si nécessaire, adaptez le à votre territoire.

Qu’èm ciutadans e qu’avem lo dret d’interpelar los mèdias. Enviatz aus jornaus qui legetz e a las ràdios qui escotatz, aus sites d’informacion qui consultatz. Que podetz utilisar la fòto qu’ei libra de drets…e qu’ei vòsta tanben.

Signatz lo deu vòste nom, deu nom de la vòsta associacion . Que n’i a pro !

Communiqué de presse/ comunicat de premsa

Quand 28 est égal à 24

Cette arithmétique nouvelle c’est celle de l’Assemblée Nationale quand elle vote sur les langues régionales

La manoeuvre qui a eu lieu dans la nuit de jeudi à vendredi à l’Assemblée Nationale est bien triste.
Alors que se discutait en séance une proposition de loi sur les langues régionales présentée par le député Paul Molac, ce texte a été rejeté par le vote des députés socialistes.
Il n’y avait que 24 députés en séance. Le vote s’est terminé par 14 voix contre, 13 pour, et une abstention. Eh oui cela fait 28 votants !
Comment arrive t-on à faire 28 votants avec 24 députés ?
Tout simplement en faisant de la délégation de vote. Cela s’appelle un scrutin public, qui est un vote électronique. Quatre députés qui étaient ailleurs ( en mission) ont donc participé au vote. Parmi ces quatre votes qui ont empêché l’adoption du texte il y a deux députés qui ne manquent pas, chaque fois qu’ils le peuvent, de dire tout leur engagement en faveur de la langue occitane. Il s’agit de Pascal Deguilhem, député de Dordogne et de Pascal Terrasse député d’Ardèche.
Savaient-ils que l’on se servirait de leur vote pour faire échouer ce texte et empêcher que soient prises des dispositions nouvelles en faveur de l’enseignement des langues régionales, de leur présence dans l’audiovisuel et dans la vie publique ? Ont ils vraiment demandé que l’on vote ainsi à leur place ? Il faudra le leur demander.
En tous cas, les parlementaires socialistes qui avaient voté il y a bientôt deux ans en faveur de la ratification de la Charte européenne ont oublié d’être présents jeudi soir.
Il y aura intérêt pour eux à éclaircir ce mystère qui fait que lorsqu’une proposition de loi sur un sujet qui les intéresse (disent ils !) passe en séance ils laissent voter ceux qui s’y opposent par délégation électronique.
Tout ceci est évidemment très conforme au règlement…il n’y a aucune magouille.Mais la cohérence politique, la sincérité des engagements, c’est plus qu’un règlement. Et même s’il n’y a aucune magouille il y a bien des gens, des citoyens qui se sentent trahis, floués, trompés. Et c’est ce genre de chose qui fait qu’un jour l’arithmétique électorale devient catastrophique. Pensez y avant de déléguer votre responsabilité la prochaine fois !

Enfin s’il y avait peu de présents la question que se posent bon nombre de défenseurs des langues est la suivante : où étaient les autres députés, de droite et de gauche qui son si prompts à défendre le sujet en campagne électorale ? Ailleurs c’est sûr . Ah ! le cumul des mandats, ça prend du temps !

 

Je publie ici la lettre que j’envoie aux deux députés socialistes occitans ( un de Dordogne et un autre d’Ardèche)  qui ont voté contre la proposition de loi présentée jeudi dernier par Paul Molac.

Ce sont deux députés qui ont affirmé plusieurs fois leur soutien à la promotion des langues régionales et en particulier de l’occitan.

Tot cadun que pòt tornar préner aquera letra e l’enviar a aqueths dus deputats e tot cadun que se’n pòt inspirar entà escríver au son deputat, de dreta o d’esquèrra, absent aqueth ser.

Chacun peut reprendre cette lettre et l’envoyer à ces deux députés et chacun s’en peut inspirer pour écrire à son député,de droite ou de gauche, absent ce soir là

voici leurs adresses electroniques :

pdeguilhem@assemblee-nationale.fr

pterrasse@assemblee-nationale.fr

 

Monsieur le député,

J’apprends que vous avez voté contre la proposition de loi concernant les langues régionales qui était discutée jeudi dernier dans l’hémicycle.

Ayant en mémoire plusieurs de vos interventions très favorables au développement de la langue occitane et des autres langues régionales Je m’étonne de votre vote.

J’apprends que vous avez voté par procuration. Je suis très choqué par le fait que votre groupe ait demandé l’application d’une procédure de vote qui a abouti au rejet de l’ensemble du texte, alors même que le gouvernement était disposé à en accepter une partie.

Je souhaite savoir si vous avez demandé à la personne qui a voté pour vous un vote contre.

Peut-être avez vous choisi de vous opposer à ce texte ? Dans ce cas je souhaiterais savoir pourquoi.

J’en profite aussi pour m’étonner de l’absence de la plupart des députés de votre groupe en séance alors même que le président de la République envisageait il y a peu la ratification de la Charte européenne. J’ai aussi le souvenir du vote en 2014, par vous et vos collègues, de la proposition de loi concernant cette même ratification et présentée avec d’excellents arguments par votre collègue J-J Urvoas.

Que s’est-il passé depuis ? Avez vous changé de position ?

Vous comprenez que les militants qui dans leurs associations, partout en France et particulièrement en Occitanie, se battent pour que soit enfin votée une loi sur les langues régionales sont très déçus. Ils se sentent trompés, floués par l’attitude de leurs représentants à l’Assemblée Nationale.

En esperant vòstra responsa vos pregui de creire, sénher deputat a las mias salutacions occitanistas

David Grosclaude

 

Editoriau de la revista Occitania Viure al Pais d’aqueste mes de genèr e de heurèr. Abonament 21 Bis Camin de Matens 81600 Galhac , 24,50 euros /an 

Los mots tradicionaus de « Bona Annada ! » qu’an un gost particular augan quan vedem los projèctes qui son en cors, particularament après los atemptats de París deu mes de noveme.

Las causas que son anadas hòrt viste après aqueth episòdi francés d’un terrorisme qui tòca malurosament quasi de faiçon quotidiana centenats de hemnas e d’òmis capvath lo monde.

La reaccion qu’estó militara d’abòrd. Que contunha au dia de uei dab lo bombardament regular per avions francés — au demiei d’ua coalicion occidentau, araba e russa eteroclita e deus objectius qui son luenh d’estar convergents— de posicions on se son installats los combatants de l’Estat Islamic. Que vederam çò qu’ei l’eficacitat d’aqueths bombardaments ; mes en un periòde quan la guèrra se hè tanben per las bancas, que seré benlhèu planviengut de s’atacar aus canaus qui permeten a l’EI de sortir la moneda qui amassa regularament, peus sons pilhatges e gràcia au son comèrci. Lo prètz de las bombas e de las missions aerianas que dèu estar plan superior a l’embaucha d’especialistas deus trafics financèrs.

Se los bombardaments non son pas eficaçs qu’auràn au mensh acontentat ua partida de l’opinion e dat ua postura guerrèra a un govèrn qui sembla de’n tirar profieit. .

Puish que viengó l’Estat d’Urgéncia recondusit. Cada dia que’ns vienen alimentar en informacions chifradas sus lo nombre de perquisicions qui son estadas possiblas gràcias a aqueth Estat d’Urgéncia. Que s’i parla tanben deu nombre d’armas sasidas, de personas mesas en residéncia susvelhadas.

Qui averé podut imaginar que l’intervencion de jutges (d’ara enlà pas necessària en periòde d’Estat d’Urgéncia) e podèva estar tant paralisanta ! Pr’amor qu’ei plan lo messatge qui ei enviat a la societat. Totas aqueras precaucions democraticas qu’entravan lo tribalh de la polícia ! Pròva que n’ei, lo hèit qu’adara arribam a estar mei eficaç !

Que vederam mei tard la realitat d’aqueras estatisticas e d’aqueras chifras. que son dejà contestadas. Mes l’òra n’ei pas a har rasonaments e a chicanejar mes qu’ei l’òra, dab l’uelh dur e l’espiada fixa de díser que : « la securitat ei la prumèra de las libertats e que s’ac vau de sacrificar quauques libertats entà assegurar la nosta securitat ». Quan avetz gahat aquera afirmacion per darrèr las aurelhas qu’ètz en de bonas disposicions entà enténer la reflexion dita de dret sens popular, la qui vos atucarà e vos harà barrar lo claquet : « de tota faiçon los qui an las mans netas non riscan pas arren ! ».

Dab açò que podetz anar dromir tranquilles !

Fin finala l’Estat d’Urgéncia pòt entrar dens la constitucion e quauques mesuras pòden estar presas entà que l’Estat d’Urgéncia se perlongue sens aver besonh de’u declarar. Que los jutges non sian pas mei dens la bocla : aquò rai ! Perquisicion a tota òra ! Assignacion a residéncia sus simpla suspicion ! Comportament suspècte e frequentacions dobtosas…avisatz-ve !

Mes com n’avetz pas arren a v’arcastar… ( verificatz totun ! ) qu’ètz tranquillòts. Las mesuras d’excepcion son sonque contra los terroristas e los bons ciutadans non riscan pas arren !

Totun l’Istòria qu’ei ironica, quitament en aqueths periòdes de tension hòrta. Mentre que Manuel VALLS e’ns explica tot l’interès de las mesuras excepcionaus qui demanda aus parlamentaris de votar shens moniguejar e shens discutir qu’ei un cèrt deputat occitan socialista d’Auda qui en 1955—quan se votè la lei sus l’Estat d’Urgéncia— explicava que l’istòria nos provava que : « totas las leis d’excepcion (…) son per la seguida destraviadas deu lor objectiu prumèr ». (1) Aqueth deputat que s’aperava Francis VALS e que citava tots los domaus hèits per las divèrsas leis d’excepcion adoptadas en França en un sègle e miei…Sonque ua omonimia evidentament. Per çò d’aute nada semblança !

David Grosclaude

(1) Le Monde 5 de decembre 2015, citat per Thomas Wieder dens un article a prepaus de las leis d’excepcion e de l’esquèrra.

 

L’annada 2015 que’ns hasó entrar en un periòde perilhós. Daubuns que’ns prepausan solucions simplistas entà respóner a crisis complèxas. 2015 se n’ei anada mes las crisis que demoran.

Los electors deu país occitan, de mei anar mei nombrós, que’s dèishan enganar per predicators de solucions qui van en contra de las libertats e de las valors de convivéncia shens lasquaus non i a pas de democracia. Qu’ei un camin perilhós o meilèu ua carrèra bòrnia. Lo país occitan qu’ei  malurosament plan tocat per aqueste vòte d’extrèma-dreta.

D’autes que hèn com qui an ganhat las eleccions shens véder que son a cavar la tomba de las libertats fondamentaus en har lo tribalh d’aqueths qui prepausan de préner lo poder e d’aplicar lo dret de la sang en plaça deu dret deu sòu.

Tot que’s passa com se l’istòria mequejava. 2015 nos dèisha en boca un gost d’annadas 1930.

« Las guèrras son cridadas » , çò disen ! La question ei de saber quin se hèn las guèrras de uei ? En bombardar dab avions un enemic esbarrisclat sus un territòri immense o en atacar las bancas qui  l’alimentan ? Qu’an causit de bombardar ! En espiar quin pujan las corbas deus sondatges. Qu’an causit d’installar l’Estat d’Urgéncia a noste meilèu que de har l’estat de las urgéncias.

En 2016 que diseram tostemps, e mei que jamei, non aus qui n’accèptan pas l’exercici de las libertats fondamentaus, qui assasinan e qui pòrtan la mort a noste e pertot capvath lo monde.

En 2016 que deveram aver lo coratge de díser non aus projèctes liberticidas. Sacrificar las nostas  las libertats fondamentaus dab lo pretèxte qu’ei lo prètz a pagar per la securitat, qu’ei ua illusion. Qu’ei dar ua prumèra victòria  aus assassins e préner lo risc que doman las leis d’excepcion sian utilisadas per d’autes objectius. L’Istòria nos ensenha que i a un risc deus grans.

2016 que deurà estar l’annada de la recèrca de solucions navèras per los qui n’an pas de trabalh, per los qui n’an pas lo dequé entà víver, per los qui son obligats de deishar la lor tèrra. 2016 que deverà donc estar l’annada quan calerà díser un còp de mei que la creishença d’un còp èra non tornarà pas e qu’ei viengut lo temps d’inventar quauquarren mei.

En 2016 que calerà díser un còp de mei que i a urgéncias (au plurau) e que’s cau acarar a las questions qui miaçan l’umanitat, qui crèan desequilibris mortaus, com lo cambiament climatic, la misèria, las inegalitats, l’expleitacion despagerada de las riquessas naturaus shens pensar a l’aviéner

, la negacion de la diversitat de las lengas e de las culturas e de la dignitat deus pòbles…Tot aquò que son miaças contra la democracia.

En 2016 las urgéncias non mancaràn pas ; mes n’ei pas ua rason entà installar un Estat d’Urgéncia permanent. Qu’ei mei important de har l’estat de las urgéncias que de har l’Estat d’Urgéncia !

Shens desesperança, shens renonciament, que 2016 sia ua annada de las bona entà totas e tots !

David Grosclaude

Pas de région pour le FN ! Pourtant l’eau continue de monter. La digue que certains se félicitent d’avoir construite est-elle vraiment solide ? N’est-elle pas construite avec de vielles pierres ou peut être même rien que du sable ?

Lo FN n’a pas nada region : tant de bon ! Los partits tradicionaus qu’an hauçat la diga entà empachar l’aigat mes qu’ac an hèit dab pèiras de las vielhas e dilhèu sonque dab sable. L’aiga que contunha de pujar. Lo segond torn qu’a amuishat que l’extrema dreta tanben qu’avèva resèrvas de votz en los abstencionistas. E las paraulas de’us qui disen au ser de las eleccions qu’an comprés la leçon e que non cau pas mei har politica com abans, qu’arriban tard ; que vienen sustot d’aqueths qui non son pas guarits deus maus qui son a l’origina de la crisi politica e qui non pòrtan pas nat projècte.

La refòrma regionau que serà estada ua mauescaduda. N’aurà pas servit a arren. En aqueras eleccions regionaus qu’auram avut mensh de regions segur mes tanben mensh d’atencion a las questions qui pertòcan las regions e los lors poblants, mensh d’interès per çò que pòt portar un poder regionau vertadèr aus problèmas gigants qui son pausats au planeta.

Aquera eleccion que s’ei jogada sus tematicas qui n’avèvan pas arren a véder dab las (magras e praubas) competéncias deus conselhs regionaus.

Un còp de mei la maquina mediatica parisenca qu’a hèit la soa òbra e lo praubèr de la premsa regionau ( e non parli pas de la television regionau qui a ahortit la causa) qu’an escamotat lo debat sus las regions. Los partits que son complicis d’aqueth debat mancat.

Se cau dar un exemple d’aquera catasatròfa mediatica a la francesa qui vivem cada dia, que sufeish per aquò de comptar lo nombre de comentaris qui estón hèits dimenge ser sus lo sol resultat qui èra un pauc diferent, a saber lo de Corsega. N’an pas parlat o quasi deu resultat e sustot n’avem pas podut enténer la reaccion de nat candidat ni lo mendre comentari de quauque politològue sus l’eleccion de la lista deus autonomistas de G.Simeoni a la Collectivitat Territoriau de Corsega.

Incapacitat a analisar la causa ? Malaise devant un resultat atipic ? Volontat de mespresar un resultat qui necessita ua grasilha d’analisi non disponibla ? Tot aquò en medish temps. Solide, Corsega qu’ei ua petita region ( un pauc mei de 300.000 estatjants sia un petit departament) mes totun l’eveniment politic qu’ei important e istoric.

Tota la serada que s’ei passada en admirar la capacitat deus partits dits tradicionaus a empachar l’aiga de pujar e a retardar la catastròfa. Solide lo FN n’a pas nada region. Segur la participacion qu’ei estada mei hòrta que non pas tau prumèr torn. Mes pertot lo FN que tira profieit eth tanben d’ua participacion mei hòrta. Que ganha en votz ; mensh que los autes, mes que ganha tanben.

Que podem díser que dimenge, ta aqueste segond torn de las regionaus, qu’avem decidit d’empachar la pujada de las aigas en hauçar la diga. Mes l’aiga que puja tostemps e quitament s’avem ausit monde de dreta o d’esquèrra a díser « non cau pas mei har politica com abans !» que’s cau interrogar sustot quan vedem lo nombre d’elegits qui cumularàn un pòste de conselhèr regionau dab un de deputat o de conselhèr departamentau o de maire de vila grana o enqüèra dab ua presidéncia d’aglomeracion.

L’esquèrra que s’arregaudeish de pas aver pagat lo prètz qui èra previst. Mes tots que sabem dens quinas condicions se debanèn aqueras eleccions qui n’avèvan pas mei nat enjòc regionau.

Lo nivèu d’informacion deus electors que hasèva paur. Que n’èi encontrat non sabi quantes qui non sabèvan pas çò qu’èra lo perimètre de la lor region ; e per çò qu’ei de las competéncias deu conselh regionau alavetz …

De granas regions, çò disen ! Regions qui n’an pas la mitat de la mitat deu budget d’ua petita region autonòma d’un aute país d’Euròpa. Per exemple la navèra Region Aquitània dab los son 5,8 milions d’estatjants qu’aurà un budget qui serà la mitat de çò qu’a l’Aragon on viven 1,4 milion de personas. L’ua, l’Aquitània navèra, qu’a un budget de 2,8 miliards d’euros e l’auta, l’Aragon, 5,2 miliards.

Non parli pas de las competéncias qui son evidentament plan mendras a noste que non pas en d’autas regions europèas.

Aquesta eleccion regionau que rassegura los qui pensavan de préner ua teca istorica. Lo mòde d’escrutin, las triangularas tanben, qu’an permetut d’amortir la causa e de har lo cohat mensh escosent. Mes que seré suicidari de non pas véder que la miaça de l’extrema dreta ei mei hòrta après aqueth segond torn que non pas abans. Adara qu’avem la pròva que cau aliar los dus partits de la dreta e de l’esquèrra entà arribar a empachar l’eleccion d’un president de region FN ! Aqueste qu’ei lo prumèr partit en votz e que tròba resèrvas au segond torn.

Enfin, totun, que començam d’enténer comentators explicar que non podem pas mei parlar de vòte protestatari mes qu »èm dens l’adesion a ideas. Que se n’anava temps de compréner aquò !

E que non credin pas que l’analisi economicista sia pro entà explicar la causa. Los qui pretenden que lo caumatge e la soa creishença qu’ei la prumèra rason de la creishença deu vòte d’extrema dreta, que s’enganan. Quan disen que lo retorn de la creishença ei LA solucion qu’ei faus. Que’s desbromban que la basa d’aqueth vòte ( espiatz en Provença) qu’èra quauques annadas a, personas qui son en demanda de securitat, de tranquillitat, d’ordi e qui botan en davant l’arrefús de l’estrangèr o de tot çò qui ei vist com tau e qui non son pas dens la misèria.

La question ideologica qu’ei centrau. Los estudis sus çò qui apèran l’insecuritat culturau e tota la literatura qui va a l’entorn que pòrtan elements qui pròvan que la question economica non pòt estar la sola explicacion.

La creishença deu vòte FN per las campanhas que’ns deu interrogar. Lo monde rurau qu’ei tocat e n’ei pas la sola e unica question deu sentiment d’abandon deus territòris qui hè aderir a las tèsis de la familha Le Pen. L’economia qu’explica ua partida deu problèma mes que seré faus de pensar qu’ac pòt explicar tot. Los qui disen açò que vòlen estremar un element qui ei deu maine psicologic, qui a un rapòrt dab lo comportament culturau hargat per imatges simplistas e perilhosas ( França blanca, crestiana, invasion per los musulmans etc…)

L’ambient actuau, la temptacion securitària, l’Estat d’urgéncia e las mesuras qui l’acompanhan n’ajudaràn pas a har baishar lo nivèu de las aigas. E n’ei pas l’ambient nacionalista entertiengut per los qui vòlen concurrenciar lo FN qui serà ua ajuda tanpauc.

En politica qu’ei com tau climat : tot lo monde que disen que cau cambiar quauquarren mes non son pas hòrt nombrós a voler cambiar lo lor anar de pensar e de har a casa, dens lo lor partit, dens la lor familha.

Pr’amor lo resultat — e qu’ei aquò qui compta — qu’ei l’abséncia quasi pertot d’idèas navèras e de personas navas entà las portar.

Se dimenge an hauçat la diga qu’ac an hèit dab pèiras de las vielhas e enqüèra qu’èi paur que sia sonque dab sable !