David Grosclaude

Editoriau de la revista Occitania Viure al Pais d’aqueste mes de genèr e de heurèr. Abonament 21 Bis Camin de Matens 81600 Galhac , 24,50 euros /an 

Los mots tradicionaus de « Bona Annada ! » qu’an un gost particular augan quan vedem los projèctes qui son en cors, particularament après los atemptats de París deu mes de noveme.

Las causas que son anadas hòrt viste après aqueth episòdi francés d’un terrorisme qui tòca malurosament quasi de faiçon quotidiana centenats de hemnas e d’òmis capvath lo monde.

La reaccion qu’estó militara d’abòrd. Que contunha au dia de uei dab lo bombardament regular per avions francés — au demiei d’ua coalicion occidentau, araba e russa eteroclita e deus objectius qui son luenh d’estar convergents— de posicions on se son installats los combatants de l’Estat Islamic. Que vederam çò qu’ei l’eficacitat d’aqueths bombardaments ; mes en un periòde quan la guèrra se hè tanben per las bancas, que seré benlhèu planviengut de s’atacar aus canaus qui permeten a l’EI de sortir la moneda qui amassa regularament, peus sons pilhatges e gràcia au son comèrci. Lo prètz de las bombas e de las missions aerianas que dèu estar plan superior a l’embaucha d’especialistas deus trafics financèrs.

Se los bombardaments non son pas eficaçs qu’auràn au mensh acontentat ua partida de l’opinion e dat ua postura guerrèra a un govèrn qui sembla de’n tirar profieit. .

Puish que viengó l’Estat d’Urgéncia recondusit. Cada dia que’ns vienen alimentar en informacions chifradas sus lo nombre de perquisicions qui son estadas possiblas gràcias a aqueth Estat d’Urgéncia. Que s’i parla tanben deu nombre d’armas sasidas, de personas mesas en residéncia susvelhadas.

Qui averé podut imaginar que l’intervencion de jutges (d’ara enlà pas necessària en periòde d’Estat d’Urgéncia) e podèva estar tant paralisanta ! Pr’amor qu’ei plan lo messatge qui ei enviat a la societat. Totas aqueras precaucions democraticas qu’entravan lo tribalh de la polícia ! Pròva que n’ei, lo hèit qu’adara arribam a estar mei eficaç !

Que vederam mei tard la realitat d’aqueras estatisticas e d’aqueras chifras. que son dejà contestadas. Mes l’òra n’ei pas a har rasonaments e a chicanejar mes qu’ei l’òra, dab l’uelh dur e l’espiada fixa de díser que : « la securitat ei la prumèra de las libertats e que s’ac vau de sacrificar quauques libertats entà assegurar la nosta securitat ». Quan avetz gahat aquera afirmacion per darrèr las aurelhas qu’ètz en de bonas disposicions entà enténer la reflexion dita de dret sens popular, la qui vos atucarà e vos harà barrar lo claquet : « de tota faiçon los qui an las mans netas non riscan pas arren ! ».

Dab açò que podetz anar dromir tranquilles !

Fin finala l’Estat d’Urgéncia pòt entrar dens la constitucion e quauques mesuras pòden estar presas entà que l’Estat d’Urgéncia se perlongue sens aver besonh de’u declarar. Que los jutges non sian pas mei dens la bocla : aquò rai ! Perquisicion a tota òra ! Assignacion a residéncia sus simpla suspicion ! Comportament suspècte e frequentacions dobtosas…avisatz-ve !

Mes com n’avetz pas arren a v’arcastar… ( verificatz totun ! ) qu’ètz tranquillòts. Las mesuras d’excepcion son sonque contra los terroristas e los bons ciutadans non riscan pas arren !

Totun l’Istòria qu’ei ironica, quitament en aqueths periòdes de tension hòrta. Mentre que Manuel VALLS e’ns explica tot l’interès de las mesuras excepcionaus qui demanda aus parlamentaris de votar shens moniguejar e shens discutir qu’ei un cèrt deputat occitan socialista d’Auda qui en 1955—quan se votè la lei sus l’Estat d’Urgéncia— explicava que l’istòria nos provava que : « totas las leis d’excepcion (…) son per la seguida destraviadas deu lor objectiu prumèr ». (1) Aqueth deputat que s’aperava Francis VALS e que citava tots los domaus hèits per las divèrsas leis d’excepcion adoptadas en França en un sègle e miei…Sonque ua omonimia evidentament. Per çò d’aute nada semblança !

David Grosclaude

(1) Le Monde 5 de decembre 2015, citat per Thomas Wieder dens un article a prepaus de las leis d’excepcion e de l’esquèrra.

 

L’annada 2015 que’ns hasó entrar en un periòde perilhós. Daubuns que’ns prepausan solucions simplistas entà respóner a crisis complèxas. 2015 se n’ei anada mes las crisis que demoran.

Los electors deu país occitan, de mei anar mei nombrós, que’s dèishan enganar per predicators de solucions qui van en contra de las libertats e de las valors de convivéncia shens lasquaus non i a pas de democracia. Qu’ei un camin perilhós o meilèu ua carrèra bòrnia. Lo país occitan qu’ei  malurosament plan tocat per aqueste vòte d’extrèma-dreta.

D’autes que hèn com qui an ganhat las eleccions shens véder que son a cavar la tomba de las libertats fondamentaus en har lo tribalh d’aqueths qui prepausan de préner lo poder e d’aplicar lo dret de la sang en plaça deu dret deu sòu.

Tot que’s passa com se l’istòria mequejava. 2015 nos dèisha en boca un gost d’annadas 1930.

« Las guèrras son cridadas » , çò disen ! La question ei de saber quin se hèn las guèrras de uei ? En bombardar dab avions un enemic esbarrisclat sus un territòri immense o en atacar las bancas qui  l’alimentan ? Qu’an causit de bombardar ! En espiar quin pujan las corbas deus sondatges. Qu’an causit d’installar l’Estat d’Urgéncia a noste meilèu que de har l’estat de las urgéncias.

En 2016 que diseram tostemps, e mei que jamei, non aus qui n’accèptan pas l’exercici de las libertats fondamentaus, qui assasinan e qui pòrtan la mort a noste e pertot capvath lo monde.

En 2016 que deveram aver lo coratge de díser non aus projèctes liberticidas. Sacrificar las nostas  las libertats fondamentaus dab lo pretèxte qu’ei lo prètz a pagar per la securitat, qu’ei ua illusion. Qu’ei dar ua prumèra victòria  aus assassins e préner lo risc que doman las leis d’excepcion sian utilisadas per d’autes objectius. L’Istòria nos ensenha que i a un risc deus grans.

2016 que deurà estar l’annada de la recèrca de solucions navèras per los qui n’an pas de trabalh, per los qui n’an pas lo dequé entà víver, per los qui son obligats de deishar la lor tèrra. 2016 que deverà donc estar l’annada quan calerà díser un còp de mei que la creishença d’un còp èra non tornarà pas e qu’ei viengut lo temps d’inventar quauquarren mei.

En 2016 que calerà díser un còp de mei que i a urgéncias (au plurau) e que’s cau acarar a las questions qui miaçan l’umanitat, qui crèan desequilibris mortaus, com lo cambiament climatic, la misèria, las inegalitats, l’expleitacion despagerada de las riquessas naturaus shens pensar a l’aviéner

, la negacion de la diversitat de las lengas e de las culturas e de la dignitat deus pòbles…Tot aquò que son miaças contra la democracia.

En 2016 las urgéncias non mancaràn pas ; mes n’ei pas ua rason entà installar un Estat d’Urgéncia permanent. Qu’ei mei important de har l’estat de las urgéncias que de har l’Estat d’Urgéncia !

Shens desesperança, shens renonciament, que 2016 sia ua annada de las bona entà totas e tots !

David Grosclaude

Pas de région pour le FN ! Pourtant l’eau continue de monter. La digue que certains se félicitent d’avoir construite est-elle vraiment solide ? N’est-elle pas construite avec de vielles pierres ou peut être même rien que du sable ?

Lo FN n’a pas nada region : tant de bon ! Los partits tradicionaus qu’an hauçat la diga entà empachar l’aigat mes qu’ac an hèit dab pèiras de las vielhas e dilhèu sonque dab sable. L’aiga que contunha de pujar. Lo segond torn qu’a amuishat que l’extrema dreta tanben qu’avèva resèrvas de votz en los abstencionistas. E las paraulas de’us qui disen au ser de las eleccions qu’an comprés la leçon e que non cau pas mei har politica com abans, qu’arriban tard ; que vienen sustot d’aqueths qui non son pas guarits deus maus qui son a l’origina de la crisi politica e qui non pòrtan pas nat projècte.

La refòrma regionau que serà estada ua mauescaduda. N’aurà pas servit a arren. En aqueras eleccions regionaus qu’auram avut mensh de regions segur mes tanben mensh d’atencion a las questions qui pertòcan las regions e los lors poblants, mensh d’interès per çò que pòt portar un poder regionau vertadèr aus problèmas gigants qui son pausats au planeta.

Aquera eleccion que s’ei jogada sus tematicas qui n’avèvan pas arren a véder dab las (magras e praubas) competéncias deus conselhs regionaus.

Un còp de mei la maquina mediatica parisenca qu’a hèit la soa òbra e lo praubèr de la premsa regionau ( e non parli pas de la television regionau qui a ahortit la causa) qu’an escamotat lo debat sus las regions. Los partits que son complicis d’aqueth debat mancat.

Se cau dar un exemple d’aquera catasatròfa mediatica a la francesa qui vivem cada dia, que sufeish per aquò de comptar lo nombre de comentaris qui estón hèits dimenge ser sus lo sol resultat qui èra un pauc diferent, a saber lo de Corsega. N’an pas parlat o quasi deu resultat e sustot n’avem pas podut enténer la reaccion de nat candidat ni lo mendre comentari de quauque politològue sus l’eleccion de la lista deus autonomistas de G.Simeoni a la Collectivitat Territoriau de Corsega.

Incapacitat a analisar la causa ? Malaise devant un resultat atipic ? Volontat de mespresar un resultat qui necessita ua grasilha d’analisi non disponibla ? Tot aquò en medish temps. Solide, Corsega qu’ei ua petita region ( un pauc mei de 300.000 estatjants sia un petit departament) mes totun l’eveniment politic qu’ei important e istoric.

Tota la serada que s’ei passada en admirar la capacitat deus partits dits tradicionaus a empachar l’aiga de pujar e a retardar la catastròfa. Solide lo FN n’a pas nada region. Segur la participacion qu’ei estada mei hòrta que non pas tau prumèr torn. Mes pertot lo FN que tira profieit eth tanben d’ua participacion mei hòrta. Que ganha en votz ; mensh que los autes, mes que ganha tanben.

Que podem díser que dimenge, ta aqueste segond torn de las regionaus, qu’avem decidit d’empachar la pujada de las aigas en hauçar la diga. Mes l’aiga que puja tostemps e quitament s’avem ausit monde de dreta o d’esquèrra a díser « non cau pas mei har politica com abans !» que’s cau interrogar sustot quan vedem lo nombre d’elegits qui cumularàn un pòste de conselhèr regionau dab un de deputat o de conselhèr departamentau o de maire de vila grana o enqüèra dab ua presidéncia d’aglomeracion.

L’esquèrra que s’arregaudeish de pas aver pagat lo prètz qui èra previst. Mes tots que sabem dens quinas condicions se debanèn aqueras eleccions qui n’avèvan pas mei nat enjòc regionau.

Lo nivèu d’informacion deus electors que hasèva paur. Que n’èi encontrat non sabi quantes qui non sabèvan pas çò qu’èra lo perimètre de la lor region ; e per çò qu’ei de las competéncias deu conselh regionau alavetz …

De granas regions, çò disen ! Regions qui n’an pas la mitat de la mitat deu budget d’ua petita region autonòma d’un aute país d’Euròpa. Per exemple la navèra Region Aquitània dab los son 5,8 milions d’estatjants qu’aurà un budget qui serà la mitat de çò qu’a l’Aragon on viven 1,4 milion de personas. L’ua, l’Aquitània navèra, qu’a un budget de 2,8 miliards d’euros e l’auta, l’Aragon, 5,2 miliards.

Non parli pas de las competéncias qui son evidentament plan mendras a noste que non pas en d’autas regions europèas.

Aquesta eleccion regionau que rassegura los qui pensavan de préner ua teca istorica. Lo mòde d’escrutin, las triangularas tanben, qu’an permetut d’amortir la causa e de har lo cohat mensh escosent. Mes que seré suicidari de non pas véder que la miaça de l’extrema dreta ei mei hòrta après aqueth segond torn que non pas abans. Adara qu’avem la pròva que cau aliar los dus partits de la dreta e de l’esquèrra entà arribar a empachar l’eleccion d’un president de region FN ! Aqueste qu’ei lo prumèr partit en votz e que tròba resèrvas au segond torn.

Enfin, totun, que començam d’enténer comentators explicar que non podem pas mei parlar de vòte protestatari mes qu »èm dens l’adesion a ideas. Que se n’anava temps de compréner aquò !

E que non credin pas que l’analisi economicista sia pro entà explicar la causa. Los qui pretenden que lo caumatge e la soa creishença qu’ei la prumèra rason de la creishença deu vòte d’extrema dreta, que s’enganan. Quan disen que lo retorn de la creishença ei LA solucion qu’ei faus. Que’s desbromban que la basa d’aqueth vòte ( espiatz en Provença) qu’èra quauques annadas a, personas qui son en demanda de securitat, de tranquillitat, d’ordi e qui botan en davant l’arrefús de l’estrangèr o de tot çò qui ei vist com tau e qui non son pas dens la misèria.

La question ideologica qu’ei centrau. Los estudis sus çò qui apèran l’insecuritat culturau e tota la literatura qui va a l’entorn que pòrtan elements qui pròvan que la question economica non pòt estar la sola explicacion.

La creishença deu vòte FN per las campanhas que’ns deu interrogar. Lo monde rurau qu’ei tocat e n’ei pas la sola e unica question deu sentiment d’abandon deus territòris qui hè aderir a las tèsis de la familha Le Pen. L’economia qu’explica ua partida deu problèma mes que seré faus de pensar qu’ac pòt explicar tot. Los qui disen açò que vòlen estremar un element qui ei deu maine psicologic, qui a un rapòrt dab lo comportament culturau hargat per imatges simplistas e perilhosas ( França blanca, crestiana, invasion per los musulmans etc…)

L’ambient actuau, la temptacion securitària, l’Estat d’urgéncia e las mesuras qui l’acompanhan n’ajudaràn pas a har baishar lo nivèu de las aigas. E n’ei pas l’ambient nacionalista entertiengut per los qui vòlen concurrenciar lo FN qui serà ua ajuda tanpauc.

En politica qu’ei com tau climat : tot lo monde que disen que cau cambiar quauquarren mes non son pas hòrt nombrós a voler cambiar lo lor anar de pensar e de har a casa, dens lo lor partit, dens la lor familha.

Pr’amor lo resultat — e qu’ei aquò qui compta — qu’ei l’abséncia quasi pertot d’idèas navèras e de personas navas entà las portar.

Se dimenge an hauçat la diga qu’ac an hèit dab pèiras de las vielhas e enqüèra qu’èi paur que sia sonque dab sable !

je publie à nouveau cet article plus que jamais d’actualité

Rien que pour emmerder le berger !

 

 

 

Je m’aperçois qu’il est de bon ton de se moquer des politiques et des élus. Vous me direz qu’ils l’ont mérité. Quand on voit que le spectacle que certains donnent, ça n’est pas reluisant. Mais est-ce suffisant pour expliquer qu’il n’y a plus dans les radios, les télévisions, dans la presse, rien d’autre que la caricature de l’élu loin des réalités et dont la seule préoccupation est sa gamelle ?

Il n’y a plus un humoriste qui ne fasse son couplet sur les guignols de la politique ; c’est devenu la tarte à la crème de l’humour. Le résultat c’est que beaucoup qui croient avoir de l’humour n’en ont pas. Mais le filon est bon. Ça caresse l’opinion ( et pas la meilleure ) dans le sens du poil.

Il n’y a pas de raison effectivement d’être fier de tel ou tel qui a mis la main dans le pot de confiture et qui est englué jusqu’au coude ; et il n’y a donc pas de raison de ne pas le dénoncer.

Mais tous les enseignants sont ils des pédophiles ? Tous les pilotes de ligne sont ils suicidaires ? Non, bien sûr. Généraliser à partir de cas isolés serait outrancier.

Sur les hommes politiques et leurs travers on peut et on doit faire de l’humour pour dénoncer les abus. Et puis l’expression est libre.

Cependant je voudrais noter que ce déferlement n’est pas anodin. On entend une petite musique qui fait que, finalement, plus personne n’est crédible. Il n’y a plus un responsable public qui dise la vérité et tout ce qui est dit doit être interprété avec un filtre qui permet de comprendre quel est son intérêt personnel. On crée une véritable rumeur dont le refrain est connu au bistrot du coin : « Tous pourris ! ». C’est la chanson à succès de la crise.

Mais quand tout va bien la chanson est bien différente. Les petits services rendus par tel ou tel élu à celui qui veut un coup de piston, qui cherche un logement, un petit coup de main pour un projet, sont beaucoup plus acceptables. Le clientélisme est plutôt bien vu, sympathique même alors que pourtant il n’est que le début du renoncement à la démocratie.

Quelle belle contradiction nous offre justement cette démocratie ! Cette dénonciation sans discernement des « politiques » ne serait-elle pas due aussi au fait que, pendant la crise, le clientélisme se réduit, que les petits services rendus sont plus rares. Alors la démocratie représentative devient bien plus insupportable.

J’ai envie de dire qu’il nous faut chercher à qui cela profite. Une rumeur, et on le sait depuis les études qui ont été faites sur des rumeurs célèbres, n’est bonne qu’à certaines conditions précises.

Il lui faut d’abord être vraisemblable. Donc, quelques exemples de politiciens pourris, même peu nombreux, mais bien scandaleux et bien médiatisés, (et on en a eu plusieurs) font l’affaire. Cependant, la rumeur n’a de sens que s’il elle profite à quelqu’un ( là, il faut chercher, mais pas trop, c’est facile) Il faut aussi qu’elle valorise ses colporteurs qui en rajoutent un peu au passage. C’est ainsi qu’elle enfle et qu’elle gagne en crédibilité. Chaque colporteur doit se sentir approuvé par son entourage. Colporter la rumeur c’est, si vous me permettez une image, comme voler en montgolfière : on va dans le sens du vent, c’est lui qui vous pousse donc on ne l’entend pas. Il ne fait aucun bruit à vos oreilles.

Alors, oui le monde politique a tendance à oublier les réalités. Mais il arrive que ceux qui sont dans les réalités ( ou qui prennent leur réalité pour la réalité de tous) oublient ce qu’est la politique et ce que sont les institutions. Elles sont souvent le reflet de la santé de la société.

Alors, non, je ne dirai pas « tous pourris ! sauf moi » parce que c’est cela que certains s’attendent à lire. « Eh oui ! Il veut nous dire que lui est propre, pas comme les autres ».

Je n’alimenterai pas la rumeur, je ne me poserai pas non plus en victime, en défenseur du système ; Je dirai simplement que l’humour et la caricature qui sont des armes en démocratie, doivent savoir se caricaturer et se moquer d’elles-mêmes.

Tout ça pour en arriver à vous dire que mon antidote c’est ce dessin de Panos Maragos, un dessinateur grec qui met en scène des moutons dans un pré. Ils regardent une affiche électorale sur laquelle se trouve un loup plutôt menaçant. Un des moutons dit alors : « je crois que je vais voter pour le loup ; ça fera réfléchir le berger ! ».

Et savez-vous ce que j’ai entendu comme une rumeur dans nos montagnes ces jours derniers ? « On a essayé le berger, on a essayé le chien, rien n’a changé ! Alors maintenant on a rien à perdre ; on peut essayer le loup ! ».

Ce sera sans moi.

David Grosclaude

Partager:
TwitterFacebook14

Aqueste matin, a Tolosa, se debanava lo dusau Conselh d’Administracion de l’Ofici Public de la Lenga Occitana. Qu’èran estats convidats, com observators, los presidents de las regions qui an hèit conéisher la lor volontat d’entrar dens l’OPLO ( PACA, Auvernha, Lengadòc-Rosselhon, Lemosin).

Lo president de l’Ofici Public de la Lenga Occitana qu’avó donc l’aunor d’arcuélher elegits mandatats per aqueras regions :

Hervé Guerrera per Provença , Gustau Aliròl per Auvernha , Estela Parrot-Urroz per Lemosin.

Ph.Vialard encargat de mission en Lengadòc-Rosselhon representava Marcel Mateu, elegit delegat a l’occitan e au catalan.

Aqueth encontre qu’a permetut de discutir de faiçon informau de çò qui poderé estar l’evolucion de d’un OPLO qui seré la representacion de tot lo territòri de lenga occitana en territòri francés e qui seré lo lòc d’elaboracion d’ua politica linguistica publica communa en favor de la lenga occitana.

Ce matin à Toulouse, se déroulait la deuxième réunion du Conseil d’Administration de l’Office Public de la Langue Occitane. Avaient été invités à titre d’observateurs, les présidents des régions qui ont fait connaître leur intérêt ou leur volonté pour une entrée dans l’OPLO (Auvergne, PACA, Limousin et Languedoc-Roussillon).

Le président de l’Office Public de la Langue Occitane a eu le plaisir d’accueillir les élus mandatés par ces régions :

Hervé Guerrera pour PACA , Gustau Aliròl pour l’Auvergne , Estela Parrot-Urroz pour le Limousin. Ph.Vialard chargé de mission en Languedoc-Roussillon representait Marcel Mateu, élu délégué a l’occitan et au catalan.

Cette rencontre a permis de discuter de façon informelle de ce que pourrait être l’évolution d’un OPLO  qui serait la représentation de toute le territoire de langue occitane en etrritoire français et qui serait aussi le lieu d’élaboration d’une politique linguistique  publique  commune.