Lo conselh generau deu departament d’Òut e Garona que prepausa la creacion d’un Center Parc au ras de Castèth-Gelós ( Casteljaloux). Que seré un investiment de 170 milions d’euros. 20 milions que serén portats peu departament e 15 milions per la Region Aquitània.

La discussion d’aqueth projècte qu’ei estada animada au Conselh Regionau d’Aquitània pr’amor qu’èm nombrós a non pas créder a la validitat economica deu projècte e qu’èm nombrós tanben a considerar que lo projècte ei ua eresia toristica e culturau. Totun que s’i a trobat ua majoritat entà votar en favor de la participacion de la Region Aquitània au projècte.

Quin créder que poderé estar creatora d’activitats la creacion d’ua boishòrla en laquau e’s vienerén embarrar toristas ? E sortiràn los toristas de la lor boaishòrla entà anar descobrir lo país ? En los autes Center Parcs existents los toristas n’an pas briga tendéncia a sortir entà anar frequentar los marcats e los comèrcis deu parçan. Tot l’enjòc que seré justament de’us har sortir mes lo conceptor deu projècte non i a pas nat interès. Tà eth qu’ei mei important que los toristas despensen moneda a l’interior,on tot ei previst entà aquò har.

Que s’i parla de quauques 300 emplecs mes quau serà lo lor prètz ? Que sembla evident que per çò qu’ei de l’emplec que seré mei pertinent de consacrar 15 milions a projèctes mei nombrós, mei plan pagerats e mei plan repartits suu territòri de la region.

Lo Conselh Economic Sociau e Environamentau Regionau ( CESER) qu’a dit lo son descacòrd dab aqueth projècte en considerar que la soa pertinéncia n’èra pas briga provada e en explicar qu’aqueth sistèma d’amainatjament toristic qu’avèva tocat la fin de la soa logica en d’autas regions. Qu’evòca tanben lo montatge financièr qui sembla fragile puish que s’apèa sus investissors privats qui deven crompar los « cottages» en profieitar de mesuras de desficalizacion.

Lo CESER en lo son rapòrt que s’interròga sus d’autes punts com per exemple la qualitat deus emplecs e las retombadas exterioras. Que s’i parla tanben de las questions d’environament (aiga, espaci).

230 ectaras que serén necessàrias entà aqueth projècte qui ei sostiengut per quauques elegits qui pensan lo territòri en question a besonh absoludament d’estar reviscolat.

Tota la question qu’ei de saber se n’èm pas devant un projècte d’ua auta epòca, d’ua fòrma de torisme qui s’acaba.

Lo projècte que sembla sustot sortit rapidament, e lhèu tròp rapidament. Precipitacion devuda a la proximitat de las eleccions departamentaus, manca de concertacion, que son uns elements qui riscan de miar a un conflicte tau com ne coneishem en d’autes endrets on projèctes d’aquera natura son en cors.

Las zònas escuras en lo projècte que son nombrosas e que son logicament un factor d’inquietud.

N’èi pas votat en favor d’aqueth dossièr pr’amor que i a tròp de questions qui demoran shens responsas e tanben pr’amor lo torisme non pòt pas estar, segon jo, ua activitat hòra-sòu.

Que dit le CESER ?

Selon le Conselh Economic et Social et Environnemental Régional d’Aquitaine ce projet ne garantit pas que les retombées en matière d’emplois seront vraiment positives. Le CESER note en effet que le ratio aides publiques/emploi et de 130 000 euros. Il dit je cite : « le même niveau d’investissement consenti sur ce territoire au profit des acteurs locaux pourrait certainement générer une autre dynamique de développement porteuse d’un nombre d’emplois plus conséquent ».

Le CESER note par ailleurs à propos de ce projet qu’il représente : « une mobilisation de fonds publics au titre de la promotion et au bénéfice de l’opérateur, sans pour autant que ladite offre ne corresponde à la stratégie touristique des collectivités mais bien plus à celle de Pierre & Vacances » .